һөнәри бәйрәм белән!

Муниципаль район башлыгы Вячеслав Козлов һәм район башкарма комитеты җитәкчесе Ринат Фәсахов сәламәтлек сагында торучы барлык хезмәткәрләрне һөнәри бәйрәмнәре – Медицина хезмәткәрләре көне белән котлыйлар.
Котлауда бу бәйрәмнең игелек һәм хөрмәт, медиклар хезмәтенә рәхмәт һәм ярату хисләре белән сугарылган булуы, соңгы елларда сәламәтлек саклауда матди-техник базаны ныгытуга, медицина хезмәткәрләренең хезмәт хакларын арттыруга ирешелүе, яңа ФАПлар төзелүе, авыл халкының сәламәтлеген саклауда санитар күзәтү һәм аптека хезмәткәрләренең да үз көчләрен кызганмавы, тырышлык куеп эшләүләре билгеләп үтелә. Медицина хезмәткәрләренең һәммәсенә дә ныклы сәламәтлек, эшләрендә уңышлар, шәхси тормышларында бәхет һәм иминлек теләнә.