Яңа Чишмә хәбәрләре
  • Рус Тат
  • Агитбригада игенчеләр янында

    “Агро –Основа”ҖЧҖнең Тубылгы Тау бүлекчәсе кырларында кызу урак өсте бара.

    Комбайнчылар һәм шоферлар, машинистлар йокы һәм ял турында оныттылар. Алар урып-җыю чорында аяз көндәге һәр минутның кадерен беләләр. Шушы киеренке эш көннәрендә  алар янына дәрт өстәр өчен  Горшково, Ленино,Тубылгытау мәдәният йортлары  хезмәткәрләре килә. Алар игенчеләрне районда урып-җыю эшләренең барышы турында мәгълүмат белән таныштыралар, урак алдынгыларын билгеләп үтәләр.Авыл хезмәтчәннәре "Рябинушка" ансамбле, К.Тимербулатов һәм Е. Степанованың җырларын һ.б.    чыгышларны бик җылы кабул итәләр. Кызыклы  мәзәкләрдән дә аларның  күңелләре күтәрелә. Кыр хезмәтчәннәре агитбригада чыгышыннан канәгать калып,  аларга киләчәктә дә иҗади уңышлар телиләр, дип  хәбәр итә “Яңа Чишмә хәбәрләре”нә Тубылгытау авыл мәдәният йорты директоры Айгөл Вафина.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: