Сөт җитештерүгә игътибар
Узган атна азагында Әдәмсә фермасы территориясендә сөт җитештерү мәсьәләләренә кагылган семинар-киңәшмә булып узды, анда район башлыгы Вячеслав Козлов, авыл хуҗалыгы оешмалары җитәкчеләре, белгечләр һәм орлыкландыручылар катнашты. Евгений СТАРОВ
900 баштан артык МЭТ асраган фермада (шуның 500 - сыерлар) семинарда катнашучылар яңа төзелгән киртә абзарларны, реконструкцияләнүче тудыру бүлеген, ташлаткан сыерларны асрауны, сөтүткәргечле сыерлар абзарын карап чыктылар. Һәр бинада авыл хуҗалыгы һәм азык-төлек идарәсе белгечләре сөт җитештерү технологиясе буенча гамәли киңәшләрен бирделәр. Әдәмсә клубында агымдагы хуҗалык эшчәнлеге мәсьәләләре каралды.
Авыл хуҗалыгы идарәсе белгече Анатолий Клюшкин техниканы кышкы саклауга кую буенча хуҗалыклар арасында узган үзара тикшерү нәтиҗәләре хакында сөйләде. Якын арада бу эштә булган җитешсезлекләрне бетереп, машина йортларында тәртип булдырырга, дигән бурыч куелды. "Россельнадзор"ның Яңа Чишмә бүлекчәсе начальнигы Рәфис Зиниятуллин төп игътибарны орлыкларны тикшерү зарурлыгына юнәлтте.
Туңга җир сөрү эшләрен анализлап, район башлыгы Вячеслав Козлов "Игенче" ҖЧҖ (җитәкчесе Р.С. Якупов), фермерлар В.С. Зубов һәм Л.Р. Артемьеваны нык тәнкыйтьләде. Район буенча тулаем алганда 80 процент мәйданда җир туңга сөрелгән. Бу эшне туктаткан "Вамин-Татарстан" җитәкчелегенең позициясе хата дип танылды.
Авыл хуҗалыгы идарәсе белгече Леонид Богомолов хуҗалык фермаларындагы эшләр торышы турында экранда күрсәтелгән рәсемнәргә аңлатмалар бирде. Кайбер рәсемнәр, әйтик, Акъяр фермасының терлек утары, аптырашта калдыра. Терлекләр саз эчендә, ә утардагы суларны агызып җибәрергә бүлекчә белгечләренең фантазиясе җитми бугай.
Терлек азыгы һәм канга анализ үткәрү нәтиҗәләре буенча азыкларны баланслаштыруга тәкъдимнәр бирелде, биоөстәмәләр, шикәрне тулыландыру өчен бәрәңге балы (патока) куллану кирәклеге әйтелде.
Тапшырыла торган сөтнең сыйфатына анализ ясап, октябрьнең 18 көне эчендә сөтнең 22 проценты югары, 65%ы - беренче, ә 13 проценты икенче сорт белән тапшырылуы билгеләп үтелде. "Пычрак" сөт тапшыручы хуҗалыклар арасында "Татарстан" агрофирмасының Акъяр, Чаллы Башы, Әдәмсә, Сосновка бүлекчәләре, "Скоков Н.А." КФХлар аталды.
Авыл хуҗалыгы идарәсе начальнигы Сергей Баранов сыерларны кышкы рацион буенча ашатуга күчү турында практик тәкъдимнәр, ферментлаштыру һәм әчетү белән шөгыльләнү, нәтиҗәле ашатуга карата булган таләпләр белән чыгыш ясады.
Терлекчелектәге эшләргә нәтиҗә даими ясалып торачак, семинар-лар төрле хуҗалыкларда үткәреләчәк. Медальләр дә әзерләнәчәк, алар белән иң яхшы җитәкче-ләрне генә түгел, ә артта калучыларны да бүләк-ләячәкләр.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев