Коррупциягә каршы комиссия утырышы
4 сентябрьдә район башлыгы Вячеслав Козлов рәислегендә коррупциягә каршы район комиссиясенең чираттагы утырышы булып узды һәм анда кайбер мәсьәләләр каралды.
Район башлыгы ярдәмчесе Вячеслав Темников беренче яртыеллыкта коррупциягә каршы чараларны тормышка ашыру эшенә отчет бирде. Җир һәм милек мөнәсәбәтләре Палатасы рәисе Наталья Гордеева җир кишәрлекләре биргәндә җир законнарының үтәлеше турында мәгълүмат бирде. 2013 елның беренче ярты елында җир кишәрлекләрен рәсмиләштерү буенча 253 гариза кергән, 200ләп участок бирелгән.
Район башкарма комитетының муниципаль заказлар бүлеге начальнигы Татьяна Мишагина комиссиягә товарлар һәм хезмәт күрсәтүләр буенча заказлар урнаштыру турында сөйләде . Комиссия әгъзалары электрон формада ачык аукционнар үткәрү бюджет акчаларын нәтиҗәле (бәрәкәтле) тотуны тәэмин итәчәк, өстәвенә поставщиклар арасында үзара сүз берләшү ихтималы кими, дип билгеләп үттеләр.
Район Советының гомуми бүлек начальнигы Любовь Михеева I яртыеллыкта хокук саклау һәм күзәтчелек итүче органнардан кергән каршы җавап бирү актларын исәпкә алу һәм анализлау турында сөйләде
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев