Яңа Чишмә хәбәрләре
  • Рус Тат
  • Кечкенәләр музейда

    -15 июльдә халык иҗаты һәм көнкүреше музеена "олы кунаклар" - Зирекле авылының "Йолдыз" балалар бакчасына йөрүче кечкенә төркем балалары килде, - дип хәбәр итте редакциягә музей директоры Мидхәт Газыймов.

    -Алар өчен "Авыл өендә ниләр бар?" дип аталган темага экскурсия үткәрелде. Балаларның меңләгән сорауларына җавапларны биреп кенә өлгер! Балалар мондагы әйберләрне кулларына алып: "Бу нәрсә? Каян алдыгыз? Ул нишләп монда?" - дигән сорауларны яудырдылар. Аларга элеккеге бала коляскасы һәм ике тәгәрмәчле бала арбасы аеруча ошады, әле шуларга утырып фотога да төштеләр.
    Соңыннан балалар Әлмәттә яшәүче, тумышы белән Зирекледән булган ТР-ның атказанган энергетигы Самат Камалов бүләк иткән тәм-томнар алдылар, хатыны Нурия белән бергә ул да кечкенә оныкларын тәрбияли.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: