Шахмай музеенда Габдулла Тукай иҗаты буенча танып белү викторинасы булып узган

27 ел яшәп, җиде елдан аз гына күбрәк вакыт эчендә, ул йөзләгән шигырьләр, 9 поэма, дистәләгән публицистик мәкаләләр иҗат итә.

 Габдулла Тукайның туган көне уңаеннан «Мирхәйдәр Фәйзи исемендәге Шахмай авылы тарихы музее» филиалында Габдулла Тукайның тормыш юлы һәм иҗатына багышланган чара узган. Бу хакта редакиягә музей мөдире Гөлүсә Баһаутдинова хәбәр итте.

Кичә барышында укучыларга шагыйрьнең авыр балачагы, аның тормышы һәм иҗаты турында сөйләгәннәр. Балалар Тукайның биографиясен тирәнтенрәк күзалларга ярдәм иткән презентация караганнар, аның әкият-поэмаларын, шигырьләрен искә төшергәннәр. Бөек шагыйребезнең тормыш юлы һәм иҗатына багышланган кечкенә генә кызыклы викторина Шахмай урта мәктәбенең башлангыч сыйныф укучыларына ошаган һәм алар сорауларга рәхәтләнеп җаваплар биргәннәр.