ЯШӘҮ ДӘРТЕ ГЕНӘ ТАШЫП ТОРА ШАЯН, ЗИРӘК, АСЫЛ ЗАТЛАРДАН...

Бәйрәм кунаклары төрле һөнәр ияләре: табиблар, педагоглар, мәдәният хезмәткәрләре, тәрбиячеләр, район учреждениеләре һәм оешмалары хезмәткәрләре иде.

Биографияләре сугыш чорында язылган хатын-кызлар мәртәбәле кунаклар буларак чакырылган иделәр. Бу тракторчы хатын-кызлар, алар 17 яшьтән фронтка киткән ир-атларны алмаштырып, ир-егетләр һөнәрен үзләштергәннәр. Яңа Чишмәдән Мария Гунина, Акъярдан Зәкия Хәлилова һәм Маһирә Мифтахетдинова, Чуаш Чабаксарыннан Анна Охотниковалар беренчеләрдән булып шушы техника руле артына утырганнар һәм 1941 елгы урак өстендә норманы арттырып үтәгәннәр. 1943 елда тагын 26 кыз тракторчы һөнәренә укыган һәм Җиңү көненә кадәр алар тракторда эшләгәннәр. Залда утыручылар чарага килгән Анастасия Нестерованы (Екатерина Бистәсе), Антонина Козлованы (Яңа Чишмә), Юлия Захарованы (Красный Октябрь), Раушания Идрисованы (Зирекле) сәламләделәр. Район башкарма комитет җитәкчесе Ринат Фәсахов аларга чәчәкләр һәм, "Фидакарь хезмәтегез өчен сезнең алда баш иябез, саулык-сәламәтлек һәм озын гомер телибез" дигән сүзләрен ирештереп, бүләкләр тапшырды.

Ул барлык хатын-кызларны якынлашып килүче бәйрәм белән котлады, гаилә учагын саклауда һәм гаилә кыйммәтләрен арттыруда гына түгел, ә районны үстерүдә үзләреннән зур өлеш керткәннәре өчен дә рәхмәт белдерде. Тантанада төрле номинацияләрдә "Ел хатын-кызы. Ел ир-аты: хатын-кыз карашы" конкурсында катнашучыларны һәм җиңүчеләрне хөрмәтләделәр, дипломнар, истәлекле бүләкләр тапшырдылар.

Чуаш Чабаксары Мәдәният йортының хормейстеры Людмила Ильдулова конкурсның район турында җиңүче һәм зона этабында катнашучы дип танылды. "Өченче яшь героинясы" булып шушы номинациядә конкурсның район һәм зона этабында җиңүче дип Кадрия Гатина билгеләнде. Ә "Ир-ат-лидер" исеменә Яңа Иванаево АМЙ директоры Юрий Киселев лаек булды. Моннан тыш, әлеге чарада "Гаилә альбомы" конкурсына йомгак ясалды, катнашучыларга һәм җиңүчеләргә бүләкләр тапшырылды.

Тантаналы кичә район мәдәният йорты һәм балалар сәнгать мәктәбенең иң яхшы иҗат коллективларының бәйрәм концерты белән төгәлләнде.