Эшен яратып башкара
Хокук саклау органнары составына уннарча төр юнәлештәге эш керә. Шуларның берсе - сорау алу. Сорау алу органына җинаять эшләре буенча кичектергесез эшләрне башкару йөкләнгән. "Яңа Чишмә" полиция бүлекчәсендәге сорау алу бүлегендә полициянең өлкән лейтенанты Диләрә Нурхамәтова 2007 елның августыннан бирле сорау алучы булып эшли. Сорау алучы - сорау алу формасында...
Хокук саклау органнары составына уннарча төр юнәлештәге эш керә. Шуларның берсе - сорау алу. Сорау алу органына җинаять эшләре буенча кичектергесез эшләрне башкару йөкләнгән. "Яңа Чишмә" полиция бүлекчәсендәге сорау алу бүлегендә полициянең өлкән лейтенанты Диләрә Нурхамәтова 2007 елның августыннан бирле сорау алучы булып эшли.
Сорау алучы - сорау алу формасында алдан тикшерү үткәрергә хокуклы булган вазыйфаи зат, ул мөстәкыйль рәвештә тикшерү яки башка процессуаль эшләрне башкара (вәкаләтле) һәм процессуаль карарлар кабул итә ала (прокурор рөхсәте яисә суд карары таләп ителгән очраклардан тыш). Сорау алучы вазыйфасының шушы рәсми билгеләмәсе, беренче карашка, 23 яшьлек нәфис кызга туры килеп тормый да кебек. Әмма полиция бүлекчәсе җитәкчелеге Диләрә Нурхамәтованың шактый физик һәм психик йөкләнешне дә күтәрә алуын, аның, хезмәттәге авырлыкларга бирешми, нык булуын билгеләп үтә. Әлеге сыйфатлар аңа карарлар кабул иткәндә һәм аларны үтәгәндә тәвәккәл булырга, алдан күрә белергә, хезмәттәшләренә - объектив, тәртип бозучыларга карата гадел булып кала белергә ярдәм итә. Ул дәртләнеп эшли. Быел июль аенда Екатерина Бистәсендә яшәгән А. Карповның законсыз рәвештә бер көпшәле утлы корал ясап, саклап, аны 1500 сумнан сату очрагы буенча җинаятьне ачуда сорау алучының да өлеше (катнашы) бар. Полиция өлкән лейтенанты Диләрә Нурхамәтова эчке эшләр органнарына эшкә Алабуга милиция мәктәбен тәмамлаганнан соң килә һәм шушы еллар эчендә оператив-хезмәт эшчәнлегендә әйбәт күрсәткечләргә ирешә, ТР буенча ЭЭМ җитәкчелегеннән алган бүләкләре дә бар, ул үзенең һөнәри дәрәҗәсен күтәрү өстендә эшли: читтән торып Икътисад, идарә һәм хокук институтының юридик факультетында белем эсти.
Лариса ФЕДОРОВА
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев