Яңа Чишмә хәбәрләре
  • Рус Тат
  • Кискен көрәштә призер булганнар

    Мамадышта 1999-2000 елда туган яшүсмерләр арасында үткән Татарстан Беренчелегенә милли көрәш буенча ярышларда безнең көрәшчеләр ике өченче урыннарны яулаганнар. Шуларның беренчесе, Шахмай мәктәбенең 9 сыйныф укучысы Риназ Абдуллин (ул үзе Чертуштан) тәҗрибәле спортчы - үткән елда укучылар арасында узган Спартакиадада ул икенче урынны яулаган булган (аның тренеры физкультура укытучысы Рөстәм...

    Мамадышта 1999-2000 елда туган яшүсмерләр арасында үткән Татарстан Беренчелегенә милли көрәш буенча ярышларда безнең көрәшчеләр ике өченче урыннарны яулаганнар.
    Шуларның беренчесе, Шахмай мәктәбенең 9 сыйныф укучысы Риназ Абдуллин (ул үзе Чертуштан) тәҗрибәле спортчы - үткән елда укучылар арасында узган Спартакиадада ул икенче урынны яулаган булган (аның тренеры физкультура укытучысы Рөстәм Мифтахетдинов). Командада аның дусты Акбүре мәктәбеннән Рәфис Нуриев (тренеры - Рузил Әхмәтвәлиев) әле яшьрәк һәм ТР Беренчелегендә өченче урын аның беренче зур уңышы.
    -Быел көрәшергә авыррак булды, - дип сөйли Риназ Абдуллин. - Спортчылар күбрәк иде - барлыгы 328, көндәшләр дә тәҗрибәлерәк һәм ныклап әзерләнгәннәр. Әмма, авырлыкларга карамастан, кискен көрәштә без барыбер алдынгы урыннарны яуладык.
    Булдырасыз, егетләр! Без аларга һәм аларның тренерларына яңа спорт җиңүләре телибез.
    Ольга ИВАНОВА

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: