Кызу уеннар
Үткән шимбәдә "Олимп" УСЗ-да ир-атлар командалары арасында мини-футбол буенча ТР беренчелегенең икенче туры зона уеннары үтте.
Бу көнне барлыгы 5 матч уйналды. Чирмешән командасы бик уңышлы чыгыш ясады, ул аксубайлыларны 1:0, әлкилеләрне 5:4 исәбе белән отты. Безнең район футболчылары исә уенны 4:1 исәбе белән Болгар командасын җиңеп ышанычлы башлап җибәрделәр, тик икенче уенда 1:2 исәбе белән аксубайлыларга оттырдылар. Бу уенда безнекеләр исәпне азакта тигезли дә алган булырлар иде, тик пенальтины кертә алмадылар. Болгар һәм Әлки командалары арасындагы тагын бер уен 1:1 исәбе белән төгәлләнде. 19 февральдә Болгарда безнең футболчылар әлкилеләр һәм чирмешәнлеләр, ә 3 мартта Болгар белән Аксубай командалары белән очрашачаклар. Уен нәтиҗәләре буенча 1 һәм 2 урыннарны яулаган командалар беренчелекнең финал өлешенә чыгачаклар.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев