Медаль белән кайтканнар

Безнең команда әлегедәй зур ярышта беренче тапкыр чыгыш ясады, шуңа да карамастан, алар аннан биш көмеш медаль алып кайттылар.

Чемпионатта Татар-станның күп кенә районнарыннан һәм зур шәһәрләреннән 12 авырлык категориясе буенча 188 спортчы ярышты. Безнең егетләр барысын да таң калдырды: шушы кыска гына вакыт эчендә (спортның әлеге төре белән нибары 4 ай гына шөгыльләнәләр) мондый нәтиҗәләргә алар ничек ирешкәннәр соң. Аларның тренерлары Леонид Шабалин алар белән махсус методика буенча шөгыльләнә, бәлки шуңадыр да. Һәм, әлбәттә инде, малайларның үзләренең теләкләре булу һәм җиңүгә омтылулары да зур роль уйный. Шахмай мәктәбеннән Ранис Баһауетдинов һәм Әлфис Кашапов, Яңа Чишмә урта мәктәбеннән Александр Скоков белән Данил Селиверстов, Яңа Чишмә гимназиясеннән Арут Арутюнян үз авырлык категорияләрендә көмеш медальгә лаек булганнар. Аларның барысы да медальләр һәм дипломнар белән бүләкләнгәннәр. Спорттагы уңышлары һәм җиңү яулаулары өчен аларга зур рәхмәт.