Балалар бәйрәм итте
Яңа Чишмә районы мәктәпләреннән һәм һөнәри училищедан сәләтле 100 укучы бала РМЙга Яңа ел бәйрәменә чакырылган. Бу "РИТЭК" ААҖнең чираттагы хәйрия акциясе иде. Лариса ФЕДОРОВА
"РИТЭК" ААҖ профсоюзы вәкилләре һәм Яңа Чишмә районы башлыгы Вячеслав Козлов республика буенча үткәрелгән төрле конкурсларда һәм олимпиадаларда җиңүчеләр, дипломантлар һәм лауреатларны, уку алдынгыларын якынлашып килүче Яңа ел белән котладылар.
Мондый тамашаның районда булганы юк иде әле: бәйрәм чарасы бусагадан ук башланды, балаларны әкият геройлары һәм шамакай (клоун) - каршы алды. Казан театр-цирк студиясе артистлары РМЙ фойесында укучыларны чолгап алып, берсе аларны биергә чакырды, икенчесе - төрле-төрле шарлар таратты, кайсыдыр "бәхет" стенасында үзенең яңа ел теләкләрен язып калдырырга тәкъдим итте, кайберләре исә кызларның битләренә кызыклы рәсемнәр ясады. Шуннан, залда урын алганнан соң, сәхнәдә танылган телевизион шоу - тапшыруларга пародияләр үткәргәндә укучылар да аларда бик теләп катнаштылар. Аннары Кыш бабай белән Кар кызы да пәйда булды, чыршыда утлар кабынды һәм күңел ачу дәвам итте, балалар шаян конкурсларда, биюләрдә катнаштылар. Бәйрәмдә "Шешминка" ансамблендәге балалар аеруча аерылып торды, алар хәтта Казан артистларын да шаккатырдылар. Актив балалар бар җирдә дә актив шул, әмма бәйрәмне оештыручыларга һәм артистларга да тиешле бәя бирергә кирәк - балаларны дәртләндерә беләләр икән.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев