Яңа Чишмә хәбәрләре
  • Рус Тат
  • бәйрәм ашлары башланды

    15 октябрьдә барлык мөселманнар үзләренең иң мөһим бәйрәмнәрен - Корбан гаетен билгеләп үттеләр. Барлык мәчетләрдә гыйбадәт кылулар булып узды, гает намазлары укылды.

    3 көн дәвамында район халкының күпчелеге корбан чалу йоласын үтәде - безнең район буенча әлеге йоланы 400 дән артык кеше башкарган. Корбан итеп чалынган хайван ите өч өлешкә бүленә: бер өлеше үзеңә, икенчесе - туганнарга, дусларга, өченчесе - фәкыйрьләргә, мохтаҗларга.
    Ай дәвамында күпчелек йортларда бәйрәм ашлары уздырылачак, корбан итен мохтаҗларга, аз тәэмин ителгән гаиләләргә, ятимнәргә һәм өлкән яшьтәге ялгыз кешеләргә таратачаклар.
    Ноябрь башларында изге традиция буенча районда Корбан бәйрәме уңаеннан бәйрәм табыны уздырылачак. Анда барлык татар авылларыннан вәкилләр һәм ТР мөселманнары Диния Нәзарәтеннән кунаклар чакырылачак.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: