Яңа Чишмә хәбәрләре
  • Рус Тат
  • Җәяүлеләргә юл юк

    - Күпер әйбәт нәрсә,төзекләндерелгәне тагы да әйбәтрәк.Шулай да безнең күперләрне төзекләндергән саен, без - җәяүлеләр өчен начаррак була бара, - дип хәбәр итте телефоннан безгә Яңа Чишмәнең Октябрь урамында яшәгән бер хатын-кыз безне аптырашта калдырып.

    Ул май заводына бару юнәлешендә Студенец елгасы аша салынган күперне күздә тотуын аңлатты. Әңгәмәдәшебез биредә транспорт хәрәкәтенең балалар мәктәпкә, олылар эшкә барганда аеруча көчле булуын искәрде. Без үзебез дә моңа инандык, чынлап та җәяүлеләр йөри торган сукмаклар юк, машиналар түбән очмасын дип юл чите тотып алынган. Димәк, җәяүлеләргә күпернең машиналар йөри торган юлыннан үтәргә туры килә. - Күпер өстеннән узганда як-якка каранабыз, машина бәреп китүдән куркабыз, - диде безгә күпердә очраган Илалия Сабирова. Бу хакта безгә Яңа Чишмә АҖ башкарма комитеты җитәкчесе Алексей Иванов та аңлатма бирде.
    - "Алексеевскдорстрой" күпер төзүчеләре күпернең җәяүлеләр йөри торган өлешен исәпкә алмыйча парапет койма куйганнар. Без мөрәҗәгать иткәч, алар юл читеннән ярты метр калдырып аны ясарга вәгъдә иттеләр. Бу эшне алар якын арада башкарачаклар, - диде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: