Гошер сәдакасы җыю дәвам итә

 Уңышның  уннан бер өлешен мохтаҗларга яисә дини, социаль оешмаларга илтергә онытмадыгызмы? Гошер сәдакасы ул – Аллаһы Тәгаләгә мул уңыш өчен рәхмәт йөзеннән бирелә торган сәдака дип аңларга кирәк. Гошер сәдакасы түләнергә тиешлеге турында Коръәннең “Бәкарә” сүрәсендәге 267 нче аятьтә дә әйтелә. “...Җирдә чыккан байлыкны сәдака итеп бирегез...” диелә анда.

Акбуре, Сөлчә Баш авылы халкы гошер сәдакасы җыюда читтә калмаган. Әлеге игелекле гамәл хакында Акбүре АҖ хезмәткәрләре хәбәр итә.

“Авыл халкы гошер сәдакасы жыюда актив катнашты. Мөселманнар мәчеткә  бәрәңге, кәбестә, чөгендер, кишер, суган, кабак алып килделәр.
Җыелган яшелчәләр хәйрия максатларында файдаланылачак.

Халыктан җыелган гошер сәдакаларын, мәхәллә картлары, имамнар белән киңәшләшеп, СВО зонасындагы егетләребезгә киптерелгән ризыклар әзерләүгә куллану өчен тапшырдык. 
Унышларыгыздан өлеш чыгарганыгыз өчен Аллаһының рәхмәтләре булсын. 

Авылдашыбыз Илнар, шулай ук андагы барлык егетләр дә исән-имин булсыннар, тизрәк әйләнеп кайтсыннар, дигән теләктә калабыз. Аллаһы Тәгалә барыбызның да биргән сәдакаларыбызны кабуллардан кылсын”.