Караклар барыннан да акча һәм алтынны артык күрә

Талау
23 сентябрьдә исерек хәлдәге гр-ка Б. Красный Октябрь поселогында гр-ка Г.ның фатирында ачыктан-ачык хуҗабикәнең 2400 сум акчасын һәм паспортын урлаган.
Урлашу
28 сентябрьдә иртәнге сәгать 9 дан 11 гә чаклы билгесез шәхес Ленино авылында яшәүче гр-ка К.ның йортыннан 51400 сум акча урлаган.
17  сентябрьдән 22 есенә чаклы чорда билгесез  кешеләр Яңа Чишмә авылы читендә урнашкан “Ямашнефть“ НГДУ нефть скважинасыннан запас частьләр  урлаганнар. Зыян 36640 сумлык.
11 октябрьдә иртәнге сәгать 7.40 тан 14.30 га чаклы вакыт аралыгында билгесез шәхес Ленино авылында яшәүче гр-ка З. өеннән алтын бизәнү әйберләре урлаган.
Мошенниклык
2018 елның апреленнән алып августка кадәр булган чорда билгесез шәхес юридик хезмәт күрсәтү  сылтавы  белән, ялганлап, гр-ка С.ның  4800 сум акчасын үзләштерергә ниятләгән.
Аңлы рәвештә сәламәтлеккә зыян салу
28 сентябрьдә район  үзәгендә яшәүче гр. Т. исерек хәлдә Яңа Чишмәдә Май урамындагы йортларның берсендә гр-ка М.ның җилкәсенә ике тапкыр пычак  белән суккан.
ЮТҺ
Атна эчендә берникадәр матди зыян белән ике ЮТҺ булган, зыян күрүчеләр юк.