2018 елда дини бәйрәмнәр һәм истәлекле көннәр

10.01.2018 08:35 | Җәмгыять Принтерга

 
Мөселман ай календаре буенча 1439-1440 һиҗри еллар
 
18 март – мөселман  календаренда изге саналган Рәҗәб аеның беренче  көне. Бу айда Ибраһим пәйгамбәрнең туган көннәре һәм башка истәлекле көннәр билгеләп үтелә. Шулай ук  кече хаҗ -  гомрә хаҗы кылына.
22 март – Рәҗәб аеның беренче җомгасына каршы кич – Рәгаиб кичәсе дип атала. Мөхәммәд пәйгамбәрнең  әти-әнисе Габдуллаһ һәм Әминәнең бергә кушылуын искә алу кичәсе дә.
12 апрель -  Мигъраҗ кичәсе. Мөхәммәд пәйгамбәрнең Мәккә шәһәреннән Иерусалимга һәм аннан җиде  кат күккә -  Аллаһы Тәгаләнең тәхете янына кылган могҗизалы сәяхәте.
30 апрель – Бәраәт кичәсе, ягъни “ләйләтүл-Бәраәт“. Бәхет һәм һәртөрле изгелекләр иңә торган изге көн. Нәкъ шушы төнне Аллаһы Тәгалә, Һәркемнең  изге гамәле һәм догаларында ялварып  сораган үтенечләрен исәпкә алып, кешеләрнең язмышы турында карар кабул итә.
16 май – изге Рамазан ае һәм Ураза башланган көн. Рамазан аенда иң кадерле кич  - Кадер кичәсе.
21 май – Идел Болгарстанында Ислам динен рәсми рәвештә кабул иткән  көн (310 нчы һиҗри, 922 нче милади ел).
15, 16, 17 июнь – Гайдел-фитыр.  Ураза бәйрәме.
20 август – Гарәфә көне. Хаҗ кылучылар тарафыннан Мәккә янындагы Гарәфәт тавына бару һәм тау итәгендә намаз уку көне.
21 август – Гайдел-Әдъхә, Корбан бәйрәме. Мөселманнарның иң зур бәйрәме Ураза тәмамлангач, нәкъ 70 көннән соң башлана торган Корбан чалу бәйрәме, ул 3 көн дәвам итә.  Бу көн Татарстан Җөмһүриятендәге барлык календарьларда кызыл төс белән билгеләнгән.
22, 23 август – Тәшрикъ көннәре. Бу көннәрдә мөселманнар, фарыз намазлар укыганнан соң, Аллаһы Тәгаләне мактап махсус сүзләр әйтәләр.
11 сентябрь – 1440 ел, яңа мөселман елы һәм Мөхәррәм ае башланган көн. Бу айда күп итеп хәер (зәкят) бирелә, изге гамәлләр кылына.
20 сентябрь – Гашура  көне, сөнниләр – Аллаһы Тәгаләнең ун пәйгамбәре күндерелгән изгелекләре хөрмәтенә, ә шигыйлар, Мөхәммәд пәйгамбәрнең оныгы Гали хәлифәнең улы Хөсәенне (626-680) җәзалап үтерү көнен мөбарәк, изге хөрмәтле санап, ураза тота.
10 октябрь – Сәфәр ае башланган көн.
19 ноябрь – Мәүлид бәйрәме. Иң зур бәйрәмнәрнең берсе – Мөхәммәд пәйгамбәрнең туган көне. Әлеге изге бәйрәм нәкъ бер ай дәвам итә. Бу вакыт мәчетләрдә вәгазьләр укыла, хәер, садака (зәкят) өләшенә. Күп кенә мөселман илләрендә факеллар һәм фонарьлар кабызып, тантаналы мәрасимнәр уздырыла. 
“В.Т.“
 


Будь в курсе последних событий! Читай tatmedia.ru


Фикереңне яз


Робот түгелдерсез бит?
Яңарту