Өлкәннәр көне белән!

Муниципаль район башлыгы Вячеслав Козлов һәм район башкарма комитеты җитәкчесе Ринат Фәсахов барлык өлкән яшьтәге кешеләрне 1 октябрьдә билгеләп үтелүче Халыкара өлкәннәр көне уңаеннан котлыйлар.
Котлауда, районда өлкән кешеләрнең тормыш шартларын яхшырту буенча максатчан эш алып барыла, ветераннар Ватан иминлеге өчен бик күп көч һәм сәламәтлекләрен биргәннәр, безнең бурыч - картлык көннәрендә аларны тыныч һәм лаеклы тормыш белән тәэмин итү, өлкән кеше үзен бәхетле итеп тоя алырлык мохит булдыру, аны кайгырту һәм игътибардан мәхрүм итмәү бик мөһим, диелә. Өлкән кешеләргә сәламәтлек, якыннарының яратуын һәм кайгыртуын, гаилә учагы җылысы тоеп яшәүләре һәм озын гомер теләнә.