Авыл хуҗалыгы
Казан халкы яңачишмәлеләргә рәхмәт белдергән
Үткән шимбәдә безнең район эшмәкәрләре Казанның Яңа Савин районында ярминкәдә катнашты.
Ярминкәдә Шахмай, Черемухово һәм Акъяр авыл җирлекләре катнашкан. Башкала халкына киң ассортиментта ит, кош-корт түшкәләре (тавыклар, үрдәкләр, казлар), сөт һәм сөт продукцияләре, яшелчә, бал, бәйләгән әйберләр (бияләй, оекбаш һ.б.) тәкъдим ителгән.
25 сәүдә ноктасында 1 млн. 365 мең сумлык продукция сатылган. Киләсе ярминкә - 25 ноябрьдә.
- Пешкән камыр ризыклары белән чәй табыны оештырганнары өчен Казан халкы аеруча зур рәхмәт белдерде, - дип билгеләп үтте район башкарма комитет җитәкчесе урынбасары Луиза Исхакова. - Чәй табынын Шахмай һәм Акъяр АҖ оештырды һәм казанлылар "рәхмәт сезгә, мондый сый-хөрмәт күрсәтү башка бер районда да юк", диделәр.
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев