Күптән түгел «Архангельское» КФХ» ҖЧҖнең ясалма орлыкландыру технологы Светлана Барсукова мөгезле эре терлек үрчетү буенча республика конкурсында катнашты. Конкурста ул, 3 нче урынга кадәр берничә баллга җитмичә, югары осталык күрсәтте.
Архангел Бистәсе авылы терлекчелегендә Светлана инде 21 ел эшли, шуларның 18 е-сыер савучы, соңгы 3 ел-ясалма орлыкландыру технологы.
Аңа 300 баш сыер һәм тана беркетелгән, 2018 елда алардан 297 баш бозау алынган. Светлана эше нәтиҗәсендә КФХда 100 % сыерлар ясалма орлыкландырыла, монда нәселле үгезләр асрамыйлар.
- Светлана-нәсел эше буенча менә дигән белгеч, сыерларны ясалма орлыкландыру буенча җаваплы һәм намуслы хезмәткәр, көтүлекне яңарту буенча эшне берүзе башкара, - диде район авыл хуҗалыгы идарәсенең баш белгече Хәлим Гыйззәтуллин. – Ул шулай ук сыерларны ясалма орлыкландыру буенча халыкка да ярдәм итә. Сыер савучы буларак, ул республика конкурсларында район данын лаеклы төстә яклады. Хәзер мондый дәрәҗәдәге яңа уңыш-орлыкландыручылар бәйгесеннән көтәргә кала.
Нет комментариев