Урак өсте алдынгылары

«Закрома» ҖЧҖдән Владимир ГАРЕВ инде берничә биш көнлек лидер булып тора. Бу юлы да алар ярдәмчесе Максим Гарев белән «Акрос-580» комбайнында 5 көн эчендә 681 тонна ашлык суктырганнар, ә аларның гомуми суктыруы 2394 тоннага җиткән.
Шул ук хуҗалыктан «Нью-Холланд» комбайннарында эшләүче комбайнчылар арасында Алексей КОЗЛОВ алдынгы булган, аңа кызы Татьяна булыша. Алар 5 көн эчендә 184 тонна бөртек суктырганнар, ә урып – җыю башланганнан бирле -1019 тонна.
Берничә биш көнлек лидерлары арасында шул ук «закрома» ҖЧҖдән Александр КОЧЕТОВНЫ да атарга була. Ярдәмчесе Павел Семенов белән алар «Мега» комбайнында 5 көндә 237 тонна ашлык суктырганнар, ә урып – җыю башланганнан бирле -1515 тонна.
Биш көнлек лидерлары арасында «Козлова М.и.» КФХ комбайнчылары да бар. Менә Евгений КЛЮШКИН да бишкөнлек нәтижәләре буенча җиңүче булган. Ул СК-5 «Нива» комбайнында 5 көндә 195 тонна ашлык суктырган, ә урып-җыю чорында 836 тонна тәшкил итә.
Шоферлар арасында биш көнлектә ындыр табагына ашлык ташуда иң яхшысы дип «Закрома» ҖЧҖдән Рамил Гыйльметдинов танылды.  Ул МАЗ автомашинасында комбайннардан ындыр табагына 5 көн эчендә 481 тонна бөртек ташыган, барлыгы 2236 тонна.
Биш көнлек җиңүчеләренә район башлыгы Вячеслав Козлов һәм районның авыл хуҗалыгы һәм азык-төлек идарәсе башлыгы Леонид Богомолов кызыл әләмнәр һәм акчалата премияләр тапшырдылар.

Азат МУСИН.
Л. Богомолов фотосы