Артистларыбыз Казан ярминкәсендә

Районнан барган товар җитештерүчеләр казанлыларга үз продукцияләрен, ә артистлар концерт программасы тәкъдим иттеләр. Ярминкәгә килүчеләр аларның чыгышын бик ошаттылар. Казанның Лаврентьев урамында яшәүчеләр исеменнән Раушания Мирҗаҗанова рәхмәт хаты да язып бирде. Хатта ул: "Без концертны күршеләребез белән бик теләп карадык. Илназның тавышын тыңлап сокландык, Салаватның яшь чагы белән чагыштырдык, бу егетнең тавышы иркен, матур. Без татар җырларыннан попурри ишеттек, "Зажигай" төркеменең чыгышын карап хозурландык. Аларга бик күп рәхмәтләребезне ирештереп, тагын килүләрен сорап калабыз", - дигән.