Үзеңә үзең булыш: вакцина ясат

Гриппка каршы сезонлы вакцинация турында Яңа Чишмә РҮХнең баш табибы вазыйфаларын башкаручы Наталья Роменская сөйли.

Грипп - А, В яки С төркеме вируслары китереп чыгарган кискен респиратор вируслы инфекция, ул авыр токсикоз, бизгәк, сулыш юлларының зарарлануы белән уза. Грипп еш кына үлемгә кадәр китерә алырлык катлауланулар-өзлегүләр белән уза, эпидемияләр китереп чыгара. 

Гриппка каршы вакцинация - ул организмны грипп вируслары һөҗүменнән саклый. 

Районыбызның 5398 кешесе прививка ясаткан инде: шуның 4018е - өлкәннәр, 1380е - балалар. 

Кагыйдә буларак, беренчеләрдән булып үз сәламәтлеге һәм якыннары, хезмәттәшләре һәм алар аралашкан башка кешеләр өчен җаваплылык тоючы кешеләр вакцинация ясата. 

Бу - медицина хезмәткәрләре, мәгариф учреждениеләре, сәүдә һәм җәмәгать туклануы, транспорт хезмәткәрләре, 60 яшьтән өлкәнрәкләр, йөкле хатын-кызлар, хокук саклау органнары һәм социаль хезмәт күрсәтү оешмалары хезмәткәрләре.

Безнең районда яшәүче ике меңгә якын кеше гриппка каршы прививка ясатмаган.

Шуңа бәйле рәвештә, ОРЗ, шул исәптән грипп һәм өлкәннәрдә COVID-19 буенча куркыныч төркемнәренә керүчеләрнең исләренә төшерәсем килә:
- йөклелекнең теләсә кайсы срокларында булучы йөкле хатыннар;
- хроник үпкә авырулары булган затлар (бронхиаль астма, ХОБЛ һ. б.);
 - йөрәк-кан тамырлары системасының хроник авырулары булган затлар (йөрәк авырулары, йөрәк җитешсезлеге билгеләре булган кешеләр һ. б.); 
- матдәләр алмашы бозылган затлар (шикәр диабеты, 2-3 дәрәҗәдәге симерү һ. б.); 
- хроник бөер авырулы кешеләр;
 - хроник бавыр авырулары булган затлар;
 - билгеле бер неврологик халәтләре булган затлар (нейромускул, нейрокогнитив тайпылышларны, эпилепсияне дә кертеп);
  -гемоглобинопатияле кешеләр;
 - беренчел һәм икенчел иммунодефицитлары булган затлар (ВИЧ-инфекция, иммуносупрессор медикаментлар кабул итү һ. б.); 
- яман шешле кешеләр; 
- 65 яшь һәм аннан өлкәнрәкләр гриппка каршы прививка ясатырга тиешләр.

Гриппның беренче симптомнары (билгеләре):

туңып калтырау;
баш авырту;
тамакта авырту тою;
борын тыгылу.
авыз-йоткылыкның кызаруы;
каш өсте дугалары өлкәсендә авырлык һәм авырту;
баш әйләнү;
туңу;
температураның 39 градуска кадәр күтәрелүе;
йөрәк ритмының артуы;
борыннан агу;
буыннар һәм мускуллар авырту.

         Гриппка каршы вакцинация нинди өстенлекләр бирә?

Вакцинация куркынычсыз һәм икътисадый яктан отышлы. Ул тормыш өчен куркыныч булган авырулардан авыручылар санын һәм үлүчеләр санын киметә;

- авыруларның таралуын чикли һәм сәламәтлек саклау системасына йөкләнешне киметә; 
- аерым затларда да, тулаем халык арасында да авыруны кисәтә (популяцион иммунитет); 
- антибиотиклар куллану очракларын киметергә булыша.
Сәламәтлегегезне саклагыз, прививка ясатыгыз.