24 февральдә Яңа Чишмәдә авыл хуҗалыгы ярминкәсе узды

Сатып алучыларга ШЯХ һәм КФХлар продукциясе тәкъдим ителде. 

Ярминкәдә сыер, дуңгыз, сарык ите, бройлер, каз, үрдәк түшкәләре (ысланган һәм какланган түшкәләр дә бар иде), шулай ук сөт, каймак, катык, эремчек, корт, атланмай, кишер һәм кәбестә, умартачылык продуктлары, төрле балыклар һәм колбаса да сатылды. Ярминкәдә боларның барысын да бик теләп сатып алдылар.

— Халык инде күптән ярминкә оештыруны көтте, чөнки соңгысы ике ай элек булган иде. Бигрәк тә ит сатып алырга теләүчеләр күп булды, — диде Яңа Чишмә авыл җирлеге башкарма комитеты җитәкчесе Татьяна Маланчева. — Без сатып алучылар теләген үтәдек.