«Агач утырт» акциясендә катнашканнар

Бөтенроссия урман көннәрен бәйрәм итүгә кушылыр өчен бу вакытта үткәрелә торган экологик акцияләрдә һәм күргәзмәләрдә катнашып була. Шулай ук агачлар утыртуда, урманнар буйлап экскурсияләрдә катнашырга яки махсус укыту программаларын үтәргә дә мөмкин. 2024 елның 15 сентябрендә Чуаш Чабаксары мәдәният йорты хезмәткәрләре «Урман көне» Бөтенроссия акциясендә катнашканнар. Алар Чуаш Чабаксары авылы территориясендә агачлар утыртканнар. Акциянең максаты: киләчәк буыннар өчен планетаның табигый ресурсларын саклап калу һәм табигатьтә булганда кешеләрне аңлы рәвештә эш итәргә өйрәтү.