Акбүре авылында яңгыр теләү йоласы узган

Яңгыр теләү - татар халкына хас йола. Гасырлардан -гасырларга, буыннан-буынга, әби-бабайдан әти-әнигә, әти-әнидән балага үзләренең борынгы бәйрәмнәрен, гореф-гадәтләрен, йолаларын югалтмыйча тапшырып килгән һәм алар, күпмедер дәрәҗәдә үзгәреп, югалып бетә язып, безнең көннәргә дә килеп җиткән.
Көннәр бик кызу, коры тора. Үсемлекләргә үсәр өчен, хайваннарга сусауны басар өчен, халыкка яшелчә-җимешләрне үстеру өчен яңгыр бик тә кирәк.
24 майда Акбүре авылының мәхәллә картлары, авылда яшәүче апалар, авыл өчен изге саналган "Кизләүләр өсте"нә килеп намазлар укыганнар, яңгыр теләгәннәр, "яңгыр боткасы" пешергәннәр.

Бу хакта Акбүре авыл җирлегеннән хәбәр итәләр.