Акбүредә авыл халкына хәйрия ярдәме

-Казан шәһәре, «Наследие добра» ярдәм фонды хезмәткәре, Миннәхмәт һәм Зәмзәмия Нуруллиннар кызы Фәйзуллина Алия, фонд һәм шәхсән үз исеменнән изге «Рамазан» ае уңаеннан, физик мөмкинлекләре чикләнгән, шулай ук пенсия яшендә булган бер төркем авылдашларга сәдака буларак азык-төлек җыелмалары таратты.

Авыл җирлеге һәм пакетларны кабул итеп алган авылдашлар исеменнән без Алиягә, аның тормыш иптәше Ришатка, балалары Диләрә һәм Дамирга ныклы исәнлек, гаилә бәхете, иманлы гомер телибез, олы рәхмәтләребезне җиткерәбез.

Шулай ук бик күп изге гамәлләр кылучы «Наследие добра» ярдәм фондына да олы рәхмәтебезне ирештерәбез.

Исәнлектә, бәхет-шатлыкта гомер кичерергә насыйп булсын!