Акъяр авылында автомобиль белән елгага төшеп китеп, шофер һәлак булган

Фаҗига кичә, 18 июльдә, сәгать 10.30лар тирәсендә булган. Урамның сулга борылышлы бормалы юлыннан хәрәкәт иткәндә, шофер куркынычсыз тизлеген сакламый һәм автомобиле  белән елгага барып каплана.

ЮТҺ нәтиҗәсендә машина йөртүче шунда ук вафат була.

Һәлак булучыга 51 яшь була, ул «Агро-Основа» ҖЧҖдә слесарь булып эшләгән. Аның хатыны һәм ике баласы калды.

Мәрхүмнең гаиләсенең, туганнарының һәм якыннарының кайгыларын уртаклашабыз.