Авыл хуҗалыгы техникасын кышкы саклауга кую дәвам итә

Техника хуҗаларының финанс иминлеге аны яхшы итеп саклауга куюдан да тора — кыйммәтле запас частьләрне (югары басымлы җиңсәләр, подшипниклар, авторезина, гидроцилиндрлар һ.б.) ел саен сатып алмаска мөмкинлек бирә. Бу хакта ГОСТ −7751-2009 таләпләрендә җентекләп язылган. 

Бүгенгесе көндә «Козлов В. А.», «Козлов А. Е.» һәм «Карпов А. М.» КФХларында техника сыйфатлы һәм таләпләргә туры китереп саклауга куелган. «Козлова М. И.» КФХда, «Игенче», «Закрома» ҖЧҖләрдә һәм районның башка агросәнәгать комплексы субъектларында саклауга кую яхшы темплар белән бара.