Балигъ булмаган балаларга мотоцикллар белән идарә итү тыела

Бу атнада ата-аналар җыелышы Ленино мәктәбендә уздырылган. 

ЮХИДИ инспекторы Алексей Кадымов «ЮХИ» ДБУ бүлекчәсе начальнигы Алина Филиппова белән берлектә ата-аналарга балаларның юлдагы куркынычсызлыгы, электро-самокатлар һәм велосипедлардан файдалану кагыйдәләре һәм алар белән идарә итәргә рөхсәт ителгән урыннар турында искәрткәннәр. 

Җыелышта балаларга мотоцикллар һәм мотоблоклар белән идарә итүне тыюга аерым игътибар бирелгән.

Анда шулай ук балалар үлеменә китергән ЮТҺләр, балалар тарафыннан кылынган хокук бозулар өчен ата-аналарның һәм опекуннарның җаваплылыгы турында да сөйләгәннәр.