«Беренчеләр хәрәкәте» — барлык балаларга үрнәк

Башта «Олимп» УСЗда Яңа Чишмә районында балалар һәм яшьләрнең Гомумроссия иҗтимагый-дәүләт хәрәкәтен үстерү буенча район башлыгы каршындагы Совет утырышы узды.

Утырышта әлеге оешманың Татарстан Республикасындагы төбәк бүлеге рәисе урынбасары Ләйсән Засыпкина катнашты.

2022 елда РФ Президенты Владимир Путин тарафыннан "Россия балалар һәм яшьләр хәрәкәте турында"гы Федераль законга кул куелды. Хәрәкәт балалар һәм яшьләр мәнфәгатьләрендә дәүләт сәясәтен алып бару, аларның һөнәри ориентациясе, ял оештыру, һәрьяклап үсеш алу һәм үз ниятләреңне тормышка ашыру, җәмгыятьтә тулы канлы тормышка әзерлек өчен мөмкинлекләр булдыру максатыннан булдырыла.

Утырышта "Беренче хәрәкәте«нең җирле Советы рәисе Таңсылу Сабитова узган елда район мәктәпләрендә оештырылган беренчел бүлекчәләрнең эшчәнлеге турында сөйләде.

Безнең районда «Беренчеләр хәрәкәте» әлегә көч туплый. Берникадәр уңышлар бар барын, ләкин кайбер мәктәпләр аңа активрак кушылырга һәм эзлекле эш алып барырга тиешләр. 

Ләйсән Засыпкина чарага чакырылган мәктәп директорларына, мәгариф, мәдәният, яшьләр эшләре һәм спорт бүлекләре начальникларына мәктәпләрдә "Беренчеләр хәрәкәте«нең беренчел бүлекләрен булдыруның мөһимлеге турында сөйләде. Балаларны волонтерлык, экологик, патриотик, медиа һәм яңа хәрәкәтнең башка инициативаларына җәлеп итү һәр баланың сәләтләрен һәм талантларын үстерү өчен барлык шартларны тудыра. Спикер остазның мөһим ролен билгеләп үтте, бу тәрбия һәм иҗтимагый берләшмәләр белән хезмәттәшлек буенча киңәшче генә түгел, ә балаларны беренчел бүлекләрдә актив эшләргә җәлеп итәчәк укытучы да. Мәктәп җитәкчеләренә мондый кандидатураны һәр белем бирү учреждениесендә билгеләргә тәкъдим иттеләр. Бу кеше, һичшиксез, инициативалы, формаль булмаган рәвештә балалар тартылган эшкә кагылышлы булырга тиеш.
— Беренчеләр советы — ул, беренче чиратта, балаларның оештыру эшләрендә үз-үзләрен күрсәтә белүләре һәм инициативалы булулары. Алар үз мәктәпләрендә, районда кызыклы, файдалы, «кечкенә булса да игелекле эш» эшләр өчен җыелалар, — дип ассызыклады Ләйсән Ривкатовна.

«Беренчеләр хәрәкәте» илнең күп кенә яшьләр оешмаларын берләштерә. Мәсәлән, аңа «Юнармия» һәм «Россия укучылар хәрәкәте» һ.б. керә. Яңа оешмага 6 яшьтән 18 яшькә кадәрге балаларны кабул итәләр. Өлкәнрәкләрнең кече мәктәп укучыларына — балалар бакчасында тәрбияләнүчеләргә карата шефлыгы гамәлгә кертеләчәк, буыннар дәвамлылыгы системага керәчәк.

Район мәгариф бүлеге җитәкчесе Анна Бутина "Беренчеләр хәрәкәте«нә актив балалар гына түгел, ә иң мөһиме — оешманың «канаты астына алынырга» һәм аның эшчәнлеге белән максималь дәрәҗәдә җәлеп ителергә тиешле проблемалы балаларны да җәлеп итү, дип өстәде.

Ахырда район башкарма комитеты җитәкчесе урынбасары Александр Еронтьев мәктәп җитәкчеләренең игътибарын куелган бурычларны үтәүгә юнәлтте.
Шул ук көнне РМЙда остазлар һәм биш мәктәп җитәкчелеге катнашында безнең районның беренчеләр берлегенең I нче слеты узды (Яңа Чишмә гимназиясе, Яңа Чишмә, Ленино, Черемухово һәм Шахмай урта мәктәпләренең оешма ячейкалары бик актив).

Бу мәктәпләрнең әлеге оешма рәисләре үзләренең бер еллык эшләре турында хисап тоттылар, ә беренчеләр берлегенең җирле совет рәисе Альбина Вафина бүлекчәнең башкарылган эшләре турында сөйләде. Аннары районның иң яхшы биш мәктәбенә ТР Рәисе ярдәмчесе, Россия балалар һәм яшьләр хәрәкәтенең төбәк бүлеге рәисе Тимур Сөләйманов исеменнән Рәхмәт хатлары тапшырылды. Безнең районда хәрәкәт үсешенә ярдәм иткән ата-аналар да игътибарсыз калмады. Алар да Рәхмәт хатлары, чәчәкләр һәм бүләкләргә лаек булдылар, болар: Буйняковлар, Кузнецовлар, Поляковлар һәм Вафиннар гаиләләре. 

Аннары Яр Чаллыдан чакырылган спикер белән остазлар өчен укыту дәресе үткәрелде. Слет 19 укучыны "Беренчеләр хәрәкәте"нә кабул итү һәм хәрәкәт билгесе, укучының төрле чараларда катнашуын билгеләү өчен махсус беләзек тапшыру белән тәмамланды. Балалар-яшүсмерләр оешмасының төрле юнәлешле проектларында катнашучы балаларда әлеге беләзек өстәмә подвескалар белән тулыланачак.