Без аны онытмабыз

Күптән түгел Яңа Чишмә районының Петропавел Бистәсендә авылдашлары, СВОда катнашучы хәрби Рәмис Сафин белән хушлаштылар. 

Яңа Чишмә районы хакимияте, хәрби комиссариат (Чистай шәһәре), Яңа Чишмә мәчете, Петропавел АҖ башлыгы, мәрхүмнең туганнары һәм дуслары улларын һәм ир-туганын югалткан Сафиннар, Губкиннар, Волковлар гаиләләренең тирән кайгыларын уртаклашып, туган илебезне яклап сугышта һәлак булган Рәмис Сафинны җирләгән көннәрдә матди һәм рухи ярдәм күрсәткәннәр. Һәлак булган геройның туганнары яраткан кешесен югалту ачысын уртаклашкан, аның турында яхшы сүзләр әйткән һәркемгә рәхмәт белдерәләр һәм Рәмиснең батырлыгы дөньяда тынычлык урнашуга тагын бер адым булыр, дип өметләнеп калалар.