Безнең район бүлеге нәтиҗәле эшли

Хәзерге вакытта суд приставлары һөнәренә ихтыяҗ зур. Бу - дәүләт хезмәтендә торучы вазифаи затлар. Алар РФ судларында үткәрү режимын гамәлгә ашыралар, судлар эшчәнлеге тәртибен тәэмин итәләр, бурычлыларны, аларның мөлкәтләрен эзлиләр, суд карарларын мәҗбүри тәртиптә башкаралар, бурычлылардан алынган мөлкәтне саклауны, сатуны гамәлгә ашыралар һәм закон дәрәҗәсендә беркетелгән башка функцияләрне үтиләр.
Яңа Чишмәдә 18 кешедән торган коллективны бүлек башлыгы-өлкән суд приставы Сергей Бутин җитәкли. Суд приставлары – башкаручылар Наталья Шолгина, Кристина Былинкина, Светлана Владимирова үз вазифаларын уңышлы башкаралар, аларга алиментлар, салымнар, ЮХИДИ штрафлары, эчке эшләр бүлеге һәм башка органнар штрафларын түләттерү буенча вазыйфалар йөкләнгән, аларның ярдәмчеләре - Ирина Фомичева һәм Алинә Мифтахова. Бүлек начальнигы урынбасары, өлкән суд приставы урынбасары Илнар Адиев Судлар эшчәнлегенең билгеләнгән тәртибен тәэмин итү буенча эшләрне координацияли һәм оештыра.
Куелган бурычларны уңышлы үтәгәннәре өчен өч хезмәткәр Суд приставлары федераль хезмәте һәм Суд приставлары федераль хезмәте Идарәсе җитәкчелегенең Мактау грамоталары һәм Рәхмәт хатлары белән бүләкләнгән.