Көрәшче Булат Мусин «Манзара» спорт-музыка премиясенең абсолют батыры булган
29 августта Көрәш сараенда музыкаль программа һәм спортчыларның ярышлары белән зур масштаблы вакыйга булган.
«Манзара» спорт-музыкаль премиясе эстрада артистлары чыгышын һәм республиканың иң яхшы көрәшчеләре ярышын үз эченә ала. Премия яңа талантлар табарга һәм милли көрәшне үстерүгә ярдәм итү йөзеннән булдырылган.
Абсолют батыр исеме өчен төрле елларда танылган спортчылар, дөнья чемпионнары, халыкара класслы спорт мастерлары көрәшкән.
Быел «Манзара» премиясен яулауга якташыбыз, Чертуш авылында туып-үскән, милли көрәш буенча дөнья чемпионы Булат Мусин да катнашкан.
Ул 110 кг-га кадәр авырлык категориясендә абсолют батыр исемен яулаган.
Моннан тыш, Булат «Тамашачылар симпатиясе призы»на да лаек булган.
Булатны җиңүе белән котлыйбыз! Алдагы елларда да аңа уңышлар юлдаш булсын!
Следите за самым важным и интересным в Telegram-каналеТатмедиа
Подписывайтесь на наш Telegram-канал "Шешминская новь"
Нет комментариев