Булат Мусин халыкара класслы спорт мастеры

Югары спорт күрсәткечләре һәм көрәш буенча яхшы нәтиҗәләргә ирешүе өчен якташыбыз Булат Марат улы Мусинга «Россиянең халыкара класслы спорт мастеры» исеме бирелгән.

Бу югары исемгә ул билбау көрәше буенча Россия һәм дөнья чемпионатларында матур һәм оста җиңүләре өчен лаек булды. Булат Мусин шулай ук район һәм республика Сабан туйларында күп тапкырлар батыр да әле.

Без Булатны югары исемгә лаек булуы белән котлыйбыз һәм яңа җиңүләр телибез.

«Россиянең халыкара класслы спорт мастеры» исемен бирү турындагы боерыкка Россия спорт министры Олег Матыцин кул куйган.

Рәсемдә: билбау көрәше халыкара Федерациясе Генераль секретаре Хәбир Хәбибуллин Булат Мусинны котлый