Чираттагы бишкөнлек алдынгылары билгеләнде

автор, 24 май 2017 - 06:34

610

Район авыл хуҗалыгы идарәсендә язгы кыр эшләрендә механизаторларның хезмәттәшлек ярышының чираттагы бишкөнлегенә йомгак ясалды.

Туңга сөрелгән җирләрне культивацияләүдә "Яңа Чишмә" а/ф-дан Нәҗип ДӘҮЛӘТШИН алдынгы булган, ул МТЗ-1221 тракторында 5 көндә 209 гектар җир культивацияләгән (эш башланганнан бирле 336 га).

Сабан культуралары чәчүдә "Кулон" а/ф-дан Владимир МИХАЙЛОВ (5 көндә 324 га, барлыгы 849 га), шул ук агрофирмадан Александр Пищальников (5 көндә 234 га, барлыгы 922 га) һәм "Архангельское" КФХ-дан Николай СТРЕЛОВ (5 көндә 274 га, барлыгы 664 га) җиңүчеләр дип танылган.

Алдынгыларга кызыл әләмнәр һәм акчалата премияләр тапшырылды.