Дәүләт техник күзәтчелек идарәсенең Яңа Чишмә бүлегендә гражданнарны кабул итүләр булып узды

«23 мартта Дәүләт техник күзәтчелек идарәсенең Яңа Чишмә районы бүлегендә ТР Дәүләт техник күзәтчелек идарәсе начальнигы урынбасары Мөнир Афраемов гражданнарны кабул итте», - дип хәбәр итә Дәүләт техник күзәтчелек идарәсенең район бүлеге начальнигы Рәис Хисмәтуллин.

Кабул итүгә техниканы теркәү, югалган документларны кире ясату, тракторчы-машинист таныклыкларын алу һәм алыштыру, техник карау үтү мәсьәләләре буенча алты кеше язылган һәм килгән.

Мөрәҗәгать иткән барлык гражданнарга тулы аңлатмалар һәм җаваплар бирелгән.