Яңа Чишмә яшьармиячеләре безнең хәрбиләр өчен окоп шәмнәре әзерләгәннәр

Азат Мусин, 18 гыйнвар 2023 - 11:15

196

- Яңа Чишмә районы яшьармиячеләре мобилизацияләнгән сугышчылар өчен 40 окоп шәме ясаганнар, - дип хәбәр итте безгә Балалар иҗаты үзәге директоры Евгения Янова.

Яңа Чишмә яшьармиячеләре безнең хәрбиләр өчен окоп шәмнәре әзерләгәннәр

Балалар иҗаты күргәзмәсендә әйберләрне сатудан кергән акчага 10 кг парафин һәм 40 калай банка сатып алынган. Фитиль өчен гофрланган катыргы кулланыла.

Әлеге шәмнәр яхшы яна һәм төтенләми. Аларны окопларда һәм блиндажларда ризык җылыту һәм кием киптерү өчен кулланырга мөмкин.

- Шәмнәрне без хәрбиләргә җибәрү өчен җыю пунктына тапшырдык, - ди Евгения Янова. - Аларны әзерләүне дәвам итәбез һәм балалар иҗаты үзәгенә (район мәдәният йорты, 2 кат) кофе, консервлар, куертылган сөт һәм тушенкадан калган савытларны алып килүчеләргә яки парафин сатып алуга финанс ярдәм күрсәтүчеләргә рәхмәтле булачакбыз.