Яңа Чишмә мәдәният йортында Өлкәннәр көне уңаеннан бәйрәм концертты булган

Өлкәннәр көне - үзенчәлекле бәйрәм. Ул өлкән яшьтәге кешеләргә хөрмәт күрсәтү бәйрәме. Россиядә ул 1992 елдан бирле билгеләп үтелә.

Картлык һәркемгә дә килә, әмма үзеңне бәхетле тоеп яшәү өлкән яшьтә дә мөмкин. Өлкәннәр ункөнлегендә безнең районда өлкән яшьтәге кешеләргә ярдәм итү һәм рәхмәт белдерү, аларның безгә кадерле булуларын күрсәтү өчен бәйрәм концерты уздыру инде күркәм традициягә әверелгән.

Район башлыгы урынбасары Надежда Попкова өлкән буын вәкилләрен бәйрәм белән котлаган һәм барысына да сәламәтлек, бәхет, иминлек һәм тыныч күк йөзе теләгән! 

Чарага авыл җирлекләре башлыклары, ветераннар Советының беренчел оешмалары рәисләре һәм район пенсионерлар берлеге вәкилләре чакырылган.

Бәйрәм концертында кунакларны «Шешминка» хореография ансамбле, «Родничок», «Архангельская краса» һәм «Монлы Чишмә» вокаль коллективлары, шулай ук РМЙ артистлары, балалар сәнгать мәктәбе укучылары үз чыгышлары белән сөендергән.

Концерттан соң барлык кунакларны чәй табыны артына чакырганнар, анда өлкәннәр рәхәтләнеп чәй эчкәннәр, тәм-томнар белән сыйланганнар, аралашуларын дәвам иткәннәр.

Кунакларның барысы да күтәренке кәеф белән таралышканнар.