Яңа Чишмә районында аучылык җирләрен эшкәртү төгәлләнгән

Кыргый хайваннар арасында йогышлы авыруның таралмавына юл куймау буенча чаралар узган атнада тәмамланган. Яңа Чишмә ветеринария берләшмәсенең эпизоотиягә каршы эш буенча начальник урынбасары А. Л. Петров биргән рәсми мәгълүматлар буенча, тикшерү һәм эшкәртү производство аучылык инспекторы А. А. Михайлов һәм аучылык хуҗалыгы директоры В. М. Носовец катнашында Яңа Чишмә районы территориясендә биоресурслар буенча дәүләт комитеты белгече В. В. Ведякин белән берлектә үткәрелгән.

Дуңгызларда африка чумасы, ящур (тилчә), йогышлы төенчекле дерматит, шулай ук хайваннар һәм кешеләр өчен аеруча куркыныч булган башка авыруларга каршы ветеринария эшкәртүе түбәндәге территорияләрдә үткәрелгән:

— гомуми кулланышта булган аучылык җирләрендәге 750 квадрат метр мәйданлы биш тукландыру мәйданчыгында;

-«Красновидово» аучылык хуҗалыгының 900 квадрат метр мәйданлы алты тукландыру мәйданчыгында;

— «Беркут» аучылык хуҗалыгының гомуми мәйданы 1,2 гектар булган сигез тукландыру мәйданчыгында.

Районның аучылык хуҗалыклары территорияләрен эшкәртү һәм тикшерү барышында авыру һәм үлгән хайваннар табылмаган.