Яңа Чишмә районында кыргый хайваннар өчен җимлекләр урнаштырылган

Хайваннар дөньясын саклау акциясендә Петропавел Бистәсе укучылары катнашкан.
Узган атнада Яңа Чишмә районында Татарстан Республикасының аучылык урманнарында хайваннар дөньясын саклау һәм үрчетү максатыннан кыргый хайваннарны тукландыру өчен җимлекләр урнаштыру буенча акция үткәрелгән.
Бу хакта безгә ТР Дәүләт комитетының биологик ресурслар буенча районара бүлек начальнигы Дмитрий Хорьков сөйләде.
«Хайваннар дөньясын саклау акциясендә Петропавел Бистәсе укучылары катнашты. Алар педагоглары белән аучылык хуҗалыгы хезмәткәрләренә ярдәм иттеләр. Бу көнне люцерна, яфрак азык һ.б. кебек тупас азыкларны саклау һәм урнаштыру өчен ике туклану мәйданы урнаштырылды.
Алда әле аучылык хуҗалыгында эшләүчеләрнең аучылык урманнарында кышка әзерлек буенча эшләре күп. Бу изге эштә район халкының ярдәмен без бик теләп кабул итәчәкбез, - диде Дмитрий Хорьков.