Яңа Чишмә районында СВО зонасында һәлак булган сугышчыны соңгы юлга озаттылар

Михаил Барсуков белән хушлашырга һәм соңгы юлга озатырга авылдашлары, дуслары, сыйныфташлары, район хакимияте, хәрби комиссариат һәм район учреждениесе вәкилләре җыелган иде.

Район башлыгы Вячеслав Козлов район халкы һәм шәхсән үз исеменнән Михаилның туганнарының һәм якыннарының кайгыларын уртаклашты.

- Михаил Татарстанның “Алга” батальонында хәрби хезмәт үтә һәм Ватан алдындагы хәрби бурычын үтәгәндә батырларча һәлак була.

Безнең барыбыз өчен дә ул герой һәм безнең хәтердә Ватанны батыр һәм фидакарь яклаучы булып калачак. Мин әти-әнисенең, туганнарының һәм якыннарының тирән кайгыларын уртаклашам.

ТР Министрлар Кабинетының Баш ветеринария идарәсе начальнигы Алмаз Хисаметдинов, Чистай һәм Яңа Чишмә районнары хәрби комиссары Андрей Пичушкин һәм Михаил хезмәт иткән хәрби часть вәкиле майор Рифнур Гыйльметдинов республика җитәкчелеге исеменнән туганнарының һәм якыннарының кайгысын уртаклаштылар.

Михаил Барсуков СВО зонасында хәрби бурычын үтәгәндә күрсәткән батырлыгы өчен Батырлык ордены белән бүләкләнә (үлгәннән соң). Орден Михаилның әнисе Ольга Барсуковага тапшырылды.

Бер минутлык тынлыктан соң Михаил Барсуковны хәрби оркестр уйнавы белән соңгы юлга озаттылар. Зиратта аның хөрмәтенә өч тапкыр залп  бирелде.