Яңа Чишмә районында зур ЮТҺдә машина йөртүче үлгән

«Форд» а/м йөртүчесе, Әдәмсә ягыннан Түбән Кама юнәлешендә хәрәкәт иткәндә, куркынычсыз тизлекне сайламаган һәм каршы як полосага чыгып, «Опель» автомобиле белән бәрелешкән. Аннан соң «Форд» машинасы тагын ике автомобиль белән бәрелешкән.

Зур авария нәтиҗәсендә «Фольксваген» автомобиленең йөртүчесе, Яңа Чишмәдә яшәүче ир-ат «ашыгыч ярдәм» килгәнче һәлакәт урынында вафат булган. Тагын бер авыр җәрәхәтләр алган машина йөртүче Чистай РҮХнә озатылган.