Яңа Чишмә Туган якны өйрәнү музеенда «Әфганстан — безнең йөрәк ярасы» дигән батырлык дәресе үткән

— Әфганстаннан совет гаскәрләрен чыгаруга 35 ел тулу уңаеннан туган якны өйрәнү музеенда Яңа Чишмә гимназиясе укучылары өчен «Әфганстан — безнең йөрәк ярасы» дигән батырлык дәресе узды. Балалар Әфганстанга совет гаскәрләрен кертү һәм аларны чыгару, интернациональ бурычларын намус белән һәм лаеклы үтәгән якташлары турында белделәр. 

Чарада Татарстан Республикасы хәрби хәрәкәтләр ветераннары һәм запастагы чик сакчылары региональ иҗтимагый оешмасы рәисе, Әфганстандагы сугыш ветераны Виктор Калмыков катнашкан. 

Виктор Николаевич сугыштагы авырлыклар, хәрби хезмәттәшләре турында сөйләгән, очрашуда катнашучылар тыныч әфганчыларның русларга мөнәсәбәте һәм Виктор Николаевичның сугыш шартларында нинди хисләр кичерүе турында белгәннәр.

Истәлекле дата алдыннан туган якны өйрәнү музеенда сугышчы-интернационалчыларга һәм СВО зонасындагы хәрби хәрәкәтләрдә катнашучыларга багышланган экспозициянең яңа бүлеген ачу тантанасы узган. Исегезгә төшерәбез, 2024 елда туган якны өйрәнү музее Президент Мәдәни инициативалар фонды грантына ия булды һәм шул акчаларга мәгълүмати стендлар сатып алынган иде. Сугышчы-интернационалчыларга һәм СВО зонасындагы хәрби хәрәкәтләрдә катнашучыларга багышланган экспозицияне ачу — буыннарның өзелмәс бәйләнеше, хәрби дан традицияләре, Ватанны һәм аның мәнфәгатьләрен яклауга патриотик әзерлек дәлилләре. 
Чарада катнашучыларның барысы да бер минутлык тынлык белән сугыштан кайтмаган һәм бүгенгесе көндә безнең белән булмаган егетләрне искә алганнар.
Сугышчыларыбызның якты истәлеге безнең йөрәкләрдә мәңге сакланырга һәм киләчәк буыннарга да тапшырылырга тиеш.