«Яңа Чишмә хәбәрләре» газетасына язылу тәмамланды

Без район җитәкчелегенә язылу кампаниясе вакытында ярдәм иткәннәре өчен, мәгариф һәм мәдәният бүлеге начальниклары Анна Бутина һәм Галина Носовага, үз коллективларында газетага язылуны тиешле дәрәҗәдә оештырган берничә АҖ башлыкларына рәхмәт белдерәбез.

Редакция газетага язылуны намуслы башкарган күпчелек почта хезмәткәрләренә дә рәхмәтле.

Без, үз чиратыбызда, район газетасын кызыклырак һәм эчтәлеклерәк итеп чыгарырга тырышачакбыз.

Газета шулай ук 16 битле булачак, анда 8 биттә район материаллары, 8 биттә — «Атна вакыйгалары».

Хөрмәтле укучылар, сезгә хәбәр иткәнебезчә, 21 июльдә без абунәчеләрр арасында 20 приз уйнатачакбыз. Редакция 100дән артык квитанция алды инде (без аларны 17 июльгә кадәр кабул итәбез).
P. S. Кем июньдә язылырга өлгермәгән, аны июльдә рәсмиләштерә ала һәм газета августтан китереләчәк.