Яңа Чишмәдә элеккеге һөнәри училище бинасын реконструкцияләү бара

Исегезгә төшерәбез, Совет ур., 73 йорт адресы буенча урнашкан төп бинаны (Алексеевск аграр көллиятенең элеккеге филиалы бинасы) реконструкцияләү ТР Яшьләр эшләре, спорт һәм туризм Министрлыгының «Яшьләр үзәген реконструкцияләү һәм реновацияләү» программасы буенча башланган.

Яшьләр үзәгендә яңачишмәлеләр үзләрен киберспортта сынап карый алачаклар, аларда сыйфатлы видео һәм фотолар төшерү  мөмкинлеге булачак (ролик, интервью, видео - күзәтүләр), шулай ук тавыш яздыру студиясе, бию залы һәм, гомумән, иҗат итү өчен урын булачак.

Төзелеш эшләре тәмамланганнан соң яшьләр үзәге барлык район яшьләре өчен үз ишекләрен ачачак!