Яңа Чишмәдә «Имин тәгәрмәч - 2023» конкурсы узды (Фоторепортаж)

2023 елның 3 маенда Яңа Чишмә гимназиясе территориясендә «Имин тәгәрмәч - 2023» хәрәкәтнең яшь инспекторлар республика конкурсының муниципаль этабы - Яңа Чишмә районы гомуми белем бирү учреждениеләре укучылары арасында юлларда куркынычсызлык кагыйдәләрен өйрәнү һәм үтәү буенча шәхси-команда беренчелеге үткәрелде. 
 Конкурста 17 команда катнашты, һәр командада 9-11 яшьлек 2 малай һәм 2 кыз бар иде.

Конкурс программасы 5 «станцияне» үз эченә алды, катнашучылар андагы практик һәм теоретик биремнәр белән ярыш башланганчы таныштылар. 

Конкурс комиссиясендә ТР Яңа Чишмә районы буенча Россия ЭЭМнең Дәүләт автоинспекциясе

бүлекчәсе начальнигы Евгений Михайлов, ЭЭМнең Дәүләт автоинспекциясе бүлекчәсенең пропаганда буенча инспекторы Алексей Кадымов, мәгариф бүлегенең тәрбия эше буенча методисты Нелли Сарбашева, «Юл хәрәкәте иминлеге» дәүләт бюджет учреждениесенең Чирмешән районы бүлекчәсе начальнигы Алина Филипповалар булды.

Конкурс тәмамлангач, комиссия район этабында җиңүчеләрне ачыклады. Бу - Әдәмсә мәктәбенең

ЮИД командасы.  Алар «Имин тәгәрмәч -2023» конкурсының зона турына барачак.

2 урында Тубылгы Тау мәктәбенең ЮИД командасы, 3 урында Ленино мәктәбе командасы.
Җиңүчеләрне - команда әгъзаларын һәм аларның остазларын котлаганнан соң, аларга принтерлар сатып алуга сертификатлар тапшырылды, биш төрле ярышларның кайсында булса да иң яхшы нәтиҗәләр күрсәткән командаларны грамоталар белән бүләкләделәр, ЮИД командаларына кергән һәр бала истәлекле бүләккә ия булды, болар - яктылыкны кире кайтаручы элементлар, блокнотлар, каләмнәр һәм балаларны сөендерә торган башка әйберләр.

Райондагы барлык ЮИДчыларны юл хәрәкәте кагыйдәләрен яхшы белүләре һәм конкурс ярышларын уңышлы үтүләре белән мәгариф бүлеге начальнигы Анна Бутина котлады.