Яңа Чишмәдә СВО зонасында һәлак булган хәрбине соңгы юлга озаттылар

Аны соңгы юлга озатырга авылдашлары, туганнары, дуслары, район хакимияте вәкилләре, учреждение хезмәткәрләре килгән иде.

Район башлыгы Вячеслав Козлов Николайның туганнарының һәм якыннарының тирән кайгыларын уртаклашты.

- Бу безнең барыбыз өчен дә бик авыр югалту. Хәрби операциядә катнашып, Николай Петрович үзенең хәрби бурычын батырларча үтәде һәм Ватан өчен үз гомерен бирде. Аның исеме үзе тәмамлаган мәктәптә мәңгеләштереләчәк, безнең барыбыз өчен дә ул мәңгегә герой булып калачак.

Кайгы уртаклашу сүзләрен шулай ук Татарстан Республикасы Министрлар Кабинетының Баш ветеринария идарәсе начальнигы урынбасары Габделхак Мотыйгуллин һәм якташыбыз хезмәт иткән хәрби часть вәкиле - кече сержант Алексей Сафроновлар да белдерде. Николай Филипповский һәлак булганнан соң Батырлык орденына лаек булган. Бүләкне Николайның абыйсына һәм апаларына тапшырдылар. 
Николай Филипповскийны соңгы юлга хәрбиләрчә хөрмәтләп озаттылар. Якташыбызны якты истәлеге безнең күңелләрдә мәңге сакланыр!