Яңа Чишмәдә үткәрелгән «Тоннель» операциясе юл хәрәкәте кагыйдәләрен бозучы 6 кешене ачыклаган

Профилактик чара нәтиҗәләре турында безгә ЮХИДИ идарәсе инспекторы Алексей Кадымов хәбәр итте:

«Рейд вакытында юл хәрәкәте кагыйдәләрен бозучы 6 шофер ачыкланды. Шуларның бишесе -иминлек каешларын эләктермичә йөрүчеләр, аларга 12,6 ст. буенча беркетмәләр төзелгән, бу 1 мең сум күләмендә административ штраф салуга китерә.

Страховка булмау сәбәпле, 12.37 ст. 2 ө. буенча 1 беркетмә төзелгән. Әлеге кагыйдә бозу өчен 800 сум күләмендә административ штраф салу каралган».