Яңа Чишмәдән Козловлар СВО зонасындагы хәрбиләр янында булганнар

Алар Донецк Халык Республикасына һәм Херсон өлкәсенә мобилизацияләнгән сугышчыларыбыз янына барып, гуманитар йөк тапшырганнар. Анда «Козлов В.А.» КФХ тарафыннан  бүлеп бирелгән 2500 банка сыер итеннән тушенка, шулай ук Яңа Чишмә РҮХ хезмәткәрләре һәм район үзәге пенсионерлары җыйган җылы эчке киемнәр һәм  тәм-томнар тутырылган 4 тартма булган.

Безнең хәрбиләр күрсәтелгән ярдәм өчен зур рәхмәт белдергәннәр.

19 гыйнварда район үзәгендә яшәүче ир туганнар Александр Викторович һәм Александр Евгеньевич Козловлар махсус хәрби операция зонасында булганнар.